Tirana po përgatitet për festimet e natës së ndërrimit të viteve, po ashtu përgatitjet kanë përfunduar për policinë e Tiranës, e cila ka hartuar një plan masash për garantimin e rendit.
Do të jenë rreth 500 forca policie në terren që do të vendosen kryesisht jo vetëm pranë lokaleve por edhe më gjerë.
Burime nga policia e Tiranës gjithashtu janë shprehur se do të ketë edhe kufizim të qarkullimit të automjeteve në disa akse, për të shmangur aksidente të mundshme.
Duke filluar nga ora 22 do të bllokohet hyrja në zonën e ish-bllokut dhe rrugën Ismail Qemali.
Ndërsa në orën 24 do të bllokohet edhe bulevardi Dëshmorët e kombit.
