Këshilli bashkiak i Durrësit nuk ka arritur dot të miratojë buxhetin për vitin 2017 pasi dhe anëtar të LSI votuan kundër tij.
Për miratimin e tij duheshin 26 vota, por “pro” votuan vetëm 21 anëtarë. Kundër buxhetit votuan këshilltarët e Partisë Demokratike dhe 3 të Lëvizjes Socialiste për Integrim. 5 këshilltarë të tjerë të LSI-së abstenuan duke bërë që projekt-buxheti të mos marrë votat e nevojshme. Përfaqësuesit e LSI-së dhe PD-së thanë se bashkia nuk ka marrë parasysh propozimet e tyre. Mbledhja e Këshillit Bashkiak u shoqërua me debate të ashpra. PD dhe LSI thanë se disa zëra të buxhetit janë të pajustifikueshme.
