Tre senatorë dy republikanë John McCain, Lindsey Graham si dhe demokratja Amy Klobuchar, kanë kërkuar vendosjen e sanksioneve ndaj Rusisë, në shenjë kundërpërgjigjeje ndaj sulmeve kibernetike që Shtetet e Bashkuara pretendojnë se kanë marrë nga Moska, gjatë zgjedhjeve presidenciale të zhvilluara më datë tetë nëntor të këtij viti.
Veteranët e Senatit janë shprehur se kjo është një lëvizje e domosdoshme, pasi interferenca në procese të brendshme elektorale të një shteti tjetër është diçka e papranueshme dhe që vendos në pikëpyetje demokracinë.
Tre senatorët thonë se këtë çështje e kanë diskutuar edhe me antarë të tjerë të Kongresit amerikan dhe se kauza gëzon mbështetje nga të dyja forcat më të mëdha politike të SHBA-së.
Në një prononcim të bërë së fundmi, Lindsey Graham nënvizoi se është mjaft e rëndësishme që të ketë një kundërpërgjigje ndaj Rusisë.
Ajo shtoi se Rusia po përpiqet të vërë në pikëpyetje demokracinë në mbarë botën dhe se për këtë arsye, SHBA duhet të reagojë, në mënyrë që t’i tregojë Moskës se e ka kaluar limitin.
