Në emisionin “Të Paekspozuarit”, me temë “2016-ta, terror dhe varfëri”, analisti Fatos Lubonja deklaroi se reforma në drejtësi në Shqipëri nuk do të japë frytet që pretendon ambasadori amerikan Donald Lu.
Sipas tij, diplomati amerika nuk ka njohje të thella të realitetit shqiptar. “Ambasadori amerikan Donald Lu e njeh realitetin këtu, njësoj siç njeh gjuhën shqipe. Reforma në drejtësi nuk pritet të japë frytet që thotë diplomati i huaj. Nga një vresht e kalbur nuk mund të dalë një verë e mirë. Kjo reformë është vetëm në letër.” – thekson Lubonja.
Sipas analistit, dreka mes kryeprokurorit të Tiranës, Petrit Fusha dhe kryebashkiakut Erion Veliaj e tregon mësë miri dështimin e reformës në drejtësi.
“Ne pamë një prokuror që hante drekë me Erion Veliajn, edhe pas reformës e njëjta gjë do të ndodh“- shton më tej Lubonja.
