Shkrumbohet nga flakët automjeti i punonjësit të Shërbimit Informativ të Shtetit në Elbasan.
Makina tip “Opel Corsa” me targë AA 7510 B në pronësi të punonjësit të SHISH me inicialet E.L. është djegur gjatë orëve të para të mëngjesit të sotëm. Ngjarja ka ndodhur në afërsi të Kryqëzimit të Cërrikut ku automjeti ishte parkuar pranë banesës së punonjësit të SHISH.
Autorë ende të paidentifikuar i kanë vënë flakën dhe ai është karbonizuar menjëherë edhe pse në vendngjarje kanë mbërritur shpejt zjarrfikëset. Ende nuk dihet mënyra e djegies, por sipas të dhënave të para zjarri është vënë ose me benzinë ose me lëndë plasëse pasi gjatë djegies është konstatuar edhe shpërthim.
Në vendin e ngjarjes kanë shkuar ekspertët dhe policia të cilët po punojnë për identifikimin dhe kapjen e autorëve
