Një shqiptar është vënë në pranga nga polica italiane pasi është kapur me një sasi të madhe droge. Mediat italiane bëjnë të ditur se shqiptarit i është sekuestruar një sasi prej 54 kg marijuanë.
Ka qenë policia e Milanos, e cila ka kontrolluar shqiptarin të cilit i është gjetur në xhep 75 gr kokainë, ndërsa më pas atij i është kontrolluar shtëpia, ku i kanë gjetur edhe 54 kg drogë, të paketuara në 40 qese plastike.
Shqiptarit, identiteti i të cilit nuk bëhet i ditur, në shtëpi i është gjetur edhe peshore për peshimin dhe materiale për paketimin e dozave.
Raportohet se nëse droga do të hidhej në treg, ajo kapte vlerën e rreth 500 mijë euro.
