Tregtimi i gjësë së gjallë në vendin tonë është një problem serioz prej shumë vitesh, pasi kushtet në të cilat ai shitet janë si në mesjetë.
Kamera e emisionit investigative “BOOM” në RTV Ora News ka bërë një vëzhgim në kryeqytet në dyqane dhe vende ku tregtohet mishi.
Në pamjet e filmuara nga “BOOM” duket një makina, bagazhi i të cilës është i mbushur me mish për tu shitur. Pranë saj afrohen dy burra, të cilët nxjerrin mishin nga makina dhe e çojnë tek dyqani, pranë të cilit ndodhet edhe një zyrë elektorale.
Në pamje duket qartë se mishi tregtohet në dyqan jashtë çdo standardi higjeno sanitar. Përveç kushteve të këqija që mishi tregtohet, atij i mungon edhe çertefikata e veterinarisë.
Kamera e BOOM filmoi edhe disa tregje të tjera, tek Pazari i ri, në Sauk dhe te Rruga Ura, ku situata është alarmante, pasi mishi shitej në kushte skandaloze, madje edhe afër pustave të ujërave të zeza.
Gazetarët e “BOOM” tentuan të merrnin një përgjigje nga AKU dhe ministria për situatën e tregtimit të mishit, por e kishte të pamundur të merrnin një informacion.
Pas shumë sorollatjesh AKU i është përgjigjur interesit të “BOOM”, por jo atë përgjigje për të cilën emisioni ngriti shqetësimin. Pavarësisht se AKU thotë se ushtrohen kontrolle dhe konsumatorit i garantohet mish i sigurt, rezulton e kundërta. Mishi i gjësë së gjallë shitet në kushte skandaloze.
Pazari i ri, kamera 1
“BOOM”: Më fal për ti shitur i ke ato?
Shitësi: Sa do?
“BOOM”: Po të shohim njëherë sa është kilja
Shitësi: Ke dhe shpretkën
“BOOM”: Çfarë është ajo
Shitësi: Shpretkë, 15 mijë të bëjnë, shpretkën do të ta fus falas pa lekë.
“BOOM”: Ok, lere njëherë se do kaloj pastaj se do shoh dhe ca gjëra të tjera! Mbaji aty
Shitësi: Këto i ke special
“BOOM”: Aty brenda çfarë ka, ça ka aty te qeset?! Apo janë për të hedhur ato?
Shitësi: Këto janë ushqim për qentë
“BOOM”: Po mos ishin për qentë edhe ato mi dhe mua
Shitësi: Jo mo jo se nuk janë për qentë ato. Këto janë për (robt) njerëzit, këto shiten 7 mijë lekë kilja në dyqan
Pazari i ri, kamera 2
“BOOM”: Sa e shet gjelin?
Shitësi: Kanë mbaruar punë këto
“BOOM”: Po sa e shet mor?
Pazari i ri, kamera 3
“BOOM”: Dale ta shoh një çikë, di gjë janë bërë gjilpëra të qafa?
Shitësi: Jo jo ta marrësh pa merak për zotin, ta marrësh pa pikë meraku
“BOOM”: Të kuptoj
Sauk, kamera 1
“BOOM”: A do shesësh ndonjë kile, ku do shesësh?
Shitësi: Këtu në vend
“BOOM”: Për sa të vij unë?
Shitësi: Për gjysëm ore.
“BOOM”: Ok
Rruga Ura, Tiranë, kamera 1
“BOOM”: Me sa është kilja?
Shitësi: Me tetë
“BOOM”: Me tetë?
Shitësi: Po
Telefonata 1
Gazetarja: Më duhet një intervistë për tregtimin e mishit, për kushtet, çfarë kontrolli keni bërë në lidhje me kushtet higjeni sanitare?
Ndriçim Çaka, zëdhënës i AKU: Më duhet të marr leje nga drejtori se është bërë një procedurë e tillë që unë nuk mund të të nxjerr njeri
Telefonata 2
Gazetarja: Çfarë u bë për intervistën time?
Ndriçim Çaka, zëdhënës i AKU: Ja pres përgjigje, i pashë pyetjet, ia kalova kështu që prit dhe pak.
Gazetarja: Ok
Telefonata 3
Ndriçim Çaka, zëdhënës i AKU: Nëse unë të them për pak minuta ti besoj nisesh direkt.
Gazetarja: Po po nisem
Ndriçim Çaka, zëdhënës i AKU: Ok ja për pak.
Telefonata 4
Ndriçim Çaka, zëdhënës i AKU: Shiko, pyetjet që ti ngre mund të flasim vetëm nga Drejtoria e Tiranës sepse ata janë në terren, merren çdo ditë me inspektimet nga Drejtoria e Tiranës.
Gazetarja: Drejtoria e Tiranës?
Ndriçim Çaka, zëdhënës i AKU: Po, nuk i kam në varësi ata
Gazetarja: Po kush i ka në varësi ata?
Ndriçim Çaka, zëdhënës i AKU: Pff po unë nuk i kam.
Telefonata 5
Ndriçim Çaka, zëdhënës i AKU: Sonila, shko tek Drejtoria e Tiranës ata kanë specialist pa fund për të folur për këto, sepse ne, drejtoria e përgjithshme bëjmë hartojmë politika. Shko aty dhe fol. E ke për rast specificë këtë rastin. Tani Tirana më thotë që nuk mund të dalë, do flasësh me Granitin që është tek Ministria e Bujqësisë dhe do i thuash, më nxirr dike nga sektori i vetrinar sepse ka nxjerrë një urdhër ministri për taks forcë për kontrollin e mishit.
Telefonata 6
Ministria e Bujqësisë: Nuk mund të flasë ministria për kontrollin e mishit. Kontrollet e përditshme të mishit, dmth tregtimit të mishit që nga momenti i kafshës kur del nga thertorja e therrur e deri tek pika fundore që është dyqani e AKU-ja, janë inspektimet e përditshme që bën.
Telefonata 7
Ndriçim Çaka, zëdhënës i AKU: Po përpiqem të gjej një specialist i cili të flasë për një emision investigative, sepse nuk do të flasë asnjë. Këta të katër që unë kam nuk dëshirojnë të flasin, janë në terren, por nuk duan.
Gazetarja: Ok dhe unë do të them që të katërt ata nuk duan të flasin. Na kanë sorollat sot na kanë thënë këtë, do shkojmë këtu, do lidheni me këtë. Të gjitha këto unë do ti them.
Ndriçim Çaka, zëdhënës i AKU: Unë po përpiqem të gjej dikë të flasë po ta them sinqerisht, por nuk është aq e thjeshtë të gjesh dikë të flasë për një emision “envestigativ”.
Gaztearja: Po tani dikush duhet të dalë edhë për median, duhet ta sqaroja dikush popullin.
Ndriçim Çaka, zëdhënës i AKU: Po mirë dikush duhet të dalë. Më thanë që e ke rast specific.
Gazetarja: Nuk ka rëndësi është rasti apo nuk është rasti specific.
Ndriçim Çaka, zëdhënës i AKU: Jo ka shumë rëndësi
Gazetarja: Rëndësi ka që ti të më përgjigjesh për pyetjet e pjesës tënde.
Ndriçim Çaka, zëdhënës i AKU: Ka shumë rëndësi sepse imazhi i një personi keq përdoret në këtë rast, tani nesër me 90% do nxjerrim dikë.
Gazetarja: Ok në rregull.
Gazetarja: Nuk do japësh, nuk do jepni?
Ndriçim Çaka, zëdhënës i AKU: Jo
Gazetarja: Po dikush duhet të dalë
Ndriçim Çaka, zëdhënës i AKU: Për këtë rast nuk mund të jap intervistën
Gazetarja: Po ti më the 90% do të nxjerr një njeri?!
Ndriçim Çaka, zëdhënës i AKU: Po ta dhashë njëherë përgjigjen, të thashë për jo.
Gazetarja: Atëhere ok, unë kam bërë një shkresë zyrtare të cilën e kam protokolluar.
Ndriçim Çaka, zëdhënës i AKU: Sigurisht, dorëzojë me postë dhe ma sjell posta. Në postë jam i detyruar të përgjigjem brenda 10 ditëve. Nuk e pranoj dorazi.
AKU kthen përgjigje: AKU kyren kontrolle periodike në stabiliemtet prodhuese, përpunuese, magazinuese, shpërndarëse si dhe në njësitë e tregtimit, në zbatim të kërkesave të ligjit nr. 9863 datë 28.01 2008 për ushimin, i ndryshuar. AKU në zbatim të detyrave të veta funksionale ka kryer dhe kryen kontrolle për verifikimin e plotësimit të kërkesave në subjektet me aktivitet prodhimin, përpunimin, magazinimin, shpërndarjen dhe tregtimin e produkteve ushqimore.
Intesifikimi i kontrolleve në OBU të cilët kryejnë procesin e therrjes së kafshëve apo të tregtimit të mishit si produkt, ka sjellë një përmirësim të kushteve higjeno sanitare të ambienteve të këtyre aktiviteteve, pasi në këto kontrolle OBU janë njohur me kërkesat e legjislacionit në fushën e sigurisë ushqimore duke i garantuar konsumatorit një produkttë sigurt në të gjitha fazat e prodhimit dhe tregtimit. Vlen për të theksuar fakti se: Gjatë inspektimeve dhe monitorimeve në nivel kombëtar në përgjithësi është konstatuar se mishi tregtohet i vulosur dhe i shoqëruar me çertifikatë veterinare.
