Deputeti demokrat Oerd Bylykbashi deklaroi sot se PD do të këmbëngul për votimin elektronik dhe biometrik në zgjedhjet e 2017-ës, duke nxjerrë në pah avantazhet e këtij votimi që refuzohen nga Partia Socialiste.
Bylykbashi ka nënvizuar se “nuk do të synohet kurrë që PD-ja të kapë 100%, komisionet zgjedhore të nivelit të mesëm dhe të qendrave të votimit siç bën propozimi i PS-së, i cili garanton që të gjithë komisionet të jenë në raportin 4 me 3 për PS dhe LSI. Kjo do të ishte jo vetëm një kthim mbrapa në vitin 2000 dhe 2001, por do të ishte dhe rifillim i një krize gjigante politike zgjedhore që me shumë vështirësi u shua në vitin 2005.”
“Votimi elektronik dhe biometrik, – tha Bylykbashi, – garanton të reduktohet në mënyrë drastike, shitblerja e votës. Dihet që paratë e drogës dhe korrupsioni galopant për qindra mijëra euro do të përdoren për të blerë vota. Model ishin zgjedhjet e 2015-ës me një mekanizëm “kirurgjikal” të blerjes së votës ku për çdo qëndër votimi kishte një “agjent shitblerjeje”, një model ky që u adoptua në mënyrë të plotë në zgjedhjet e pjesshme në Dibër. Qindra mijë euro do të përdoren për të blerë votat.
Do të marr shembull atë që nuk është sekret sesi agjentët e partive turren për të marrë kartat e identitetit të zgjedhësve, që janë garancia për të votuar në mënyrë të sigurt. Por, teknologjia, votimi elektronik, e bën të pamundur për komisionerët të ndërhyjnë në votimin e shqiptarëve. Ajo që ne propozojmë bën që brenda pak orësh rezultati të shpallet në të gjithë Shqipërinë dhe nëse ka dyshime, të bëhet rinumërim.
Mjaftojnë kaq për çdo shqiptar dhe çdo përfaqësues politik për të kuptuar se nga vjen problemi dhe me këto avantazhe kuptohet pse PS-ja pengon reformën: Paratë janë. Sado të kushtojë, janë të gjitha të rikuperueshme. E vetmja gjë që ata thonë është koha, por zgjedhjet janë standart. Ne do të insistojmë në këtë kërkesë.
PER DEKRIMINALIZIMIN
“Është turp për Shqipërinë që për hir të dekriminalizimit është ndryshuar Kushtetuta, por është më shumë sesa kaq kur ligjet e Reformës në Drejtësi janë votuar nga këta individë.
Reforma Zgjedhore në objektivin e PD-së por edhe të opozitës është guri i themelit për suksesin e çdo reforme. Fatkeqësisht mazhoranca deri tani nuk ka bërë asgjë tjetër përveç deklarata publike dhe asnjë tentativë për t’u ulur me ne për të diskutuar dhe për të rënë dakord mbi brendinë e reformës që nuk ka bërë gjë tjetër veçse ka ndryshuar, ka dëmtuar në mënyrë thelbësore, mekanizmin me të cilin funksionon reforma zgjedhore që nga viti 2002, që palët diskutojnë me njera – tjetrën në nivel politik dhe teknik, bien në konsensus dhe miratojnë draftet.
Është e paprecedentë si kësaj radhe që përfaqësuesit e mazhorancës në komision nuk kanë bërë gjë tjetër veçse deklarata dhe propozime unilaterale, që nuk kanë asnjë vlerë nëse do të konfrontohen me propozimet po aq unilaterale nga ana jonë që ne jemi të gatshëm dhe të aftë t’i bëjmë, duke sjellë amendamente që nuk kanë të bëjnë me çakmakët apo shkrepëset me logot e partive, fishekzjarret në reforma; dhe, aq më pak nuk do të synohet kurrë që PD-ja të kapë 100%, komisionet zgjedhore të nivelit të mesëm dhe të qendrave të votimit siç bën propozimi i PS-së, i cili garanton që të gjithë komisionet të jenë në raportin 4 me 3 për PS dhe LSI. Kjo do të ishte jo vetëm një kthim mbrapa në vitin 2000 dhe 2001, por do të ishte dhe rifillim i një krize gjigante politike zgjedhore që me shumë vështirësi u shua në vitin 2005.”
