Policia ka dhënë detajet për rrëshqitjen e një makine me 5 pasagjerë në fshatin Zall Strikçan të Bulqizës dhe ka vënë në dukje se shkak ka qenë akulli.
Policia tha se “rreth orës 10.00 jemi njoftuar se në fshatin Zall-Strikçan, në rrugën dytësore që të çon tek centrali i Smollikut ka dalë nga rruga një “Mitsubishi Pajero” me targë AA 091 JE. Mjeti drejtohej nga shtetasi N.V e bashkë me të udhëtonin 5 shtetas si pasagjerë.
Si pasojë e daljes nga rruga janë dëmtuar, por janë jashtë rrezikut për jetën, 5 shtetasit që ishin pasagjerë në automjet.
D.Z 41 vjeç, është dërguar në spitalin e Peshkopisë për ndërhyrje më të specializuar, ndërsa katër të tjerët: A.V, 57 vjeç, O.S, 30 vjeç, S.R 23 vjeç dhe D.R 17 vjeç po marrin mjekim në spitalin e Bulqizës pasi kanë marrë dëmtime të lehta.
Në vendngjarje ndodhet grupi hetimor ku nga veprimet paraprake rezulton se shkaku i daljes nga rruga ka qenë akulli në rrugë.
