Një banesë është përfshirë nga flakët gjatë mbrëmjes së djeshme në fshatin Bishnicë (Mokër), në Pogradec ku ka humbur jetën tragjikisht një person.
Ngjarja ka ndodhur gjatë natës rreth orës 23:00, ndërsa në vendngjarje kanë shkuar shërbime të Policisë dhe Zjarrfikësja.
Si pasojë e zjarrit është djegur e gjithë banesa dhe në një nga dhomat e saj është gjetur i vdekur shtetasi I.E rreth 30-vjeç.
Gjithashtu ka marrë dëmtime trupore nëna e tij shtetasja B.E., e cila u dërgua për të marrë ndihmën e nevojshme mjekësore në Spitalin e Pogradecit.
Grupi hetimor po punon për zbardhjen e rrethanave të ngjarjes.
