Manchester United ka vazhduar me formën e mirë në Premierligë. Duket se Jose Mourinho ka gjetur formulën e duhur pasi Manchester United ka regjistruar fitoren e katërt me radhë në Premierligë. “Djajtë e Kuq” mposhtën 3:1 Sunderlandin në “Old Trafford”.
Golat për ekipin e Jose Mourinhos i shënuan Daley Blind (39’), Zlatan Ibrahimovic (82’) dhe Henrik Mkhitaryan (86′). Derisa golin e nderit për Sunderland e shënoi Fabio Borini (90′).
Pas kësaj fitoreje, Manchester United ka shkuar në kuotën e 33 pikëve, tri më pak se se Manchester City, që pas pak luan me Hull Cityn.
