60 kg marijuanë u zbuluan nga policia greke në një makinë të braktisur në Patra, ndërsa dyshohet që personat që ta kenë lënë atë të jenë dy shqiptarë.
Sipas mediave greke, makina është futur në shtetin fqinj pasi ka dalë nga Shqipëria dhe është braktisur pasi në kilometrin 72.6 të aksit Patra-Athinë automjeti kishte pësuar defekt.
Nga hetimet me metoda speciale, policia greke thotë se makina ishte braktisur nga dy shqiptarë 26 dhe 28 vjeç, ndërsa në ndihmë të tyre për tu arratisur i ka ardhur një shqiptar i tretë i moshës 32 vjeç.
Mediat greke thonë se personi që i ka ndihmuar është arrestuar në Shën Theodhor të Korinthit. Ndërsa dy shqiptarët që transportonin lëndën narkotike janë shpallur në kërkim nga autoritetet greke.
