Festat e fundvitit Bekim Balajn e kanë gjetur në plazhet e ngrohta të Brazilit. Sulmuesin shkodran së bashku me Edon Hasanin kanë zgjedhur plazhet e Copacabana për të kaluar pushimet e fundvitit.
Pas një pjese të parë të sezonit plot ngarkesë, sulmuesi i Terek Groznit dhe mesfushori i Kukësit po pushojnë në plazhet me rërë të bardhë të Rio De Zhaneiros.
Sot në mbrëmje bomberi shkodran postoi në “Instagram” një foto së bashku me Hasanin, ku mes komenteve të shumta është edhe një batutë e Lorik Canës. “Bekimo, skemi bukë me hongër ti po han Molto ne Brazil…”, shkruan me shaka ishkapiteni i Kombëtares.
