Trajneri i Kombëtares shqiptare, Gianni De Biasi ka thumbuar Donis Avdijajn dhe Milot Rashicën, pasi këta të fundit iu bashkuan Kosovës.
Gianni De Biasi, trajneri i Kombëtares shqiptare, si duket nuk e ka pritur mirë kalimin e Milot Rashicës dhe Donis Avdijajt në përfaqësuesen e Kosovës. Italiani pretendon se lojtarë si Rashica ka shumë, derisa për Avdijajn insiston se nuk e njeh askush.
“Rashica nuk është thelbësor për ne sepse si ai kemi shumë. Avdijaj? Bëra 800 kilometra rrugë për ta parë. Pashë ndeshjen e Strum Grazit dhe nuk pashë asgjë. Sot është më shumë i famshëm për klauzolën që Shalke i vendosi, se për atë që bën në fushën e lojës çdo javë.”, ka deklaruar italiani në emisionin “Ora Skaner” në televizionin “Ora News”.
Avdijaj ka filluar të shkëlqen me skuadrën e Schalkes në Bundesligë, derisa Rashica është ylli i vërtet te skuadra holandeze, Vitesse.
