Bashkia e Tiranës ka vendosur disa kosha për mbeturinat e diferencuara. Kryebashkiaku Veliaj ka bërë personalisht thirrje për ndarjen e mbetjeve që në burim, nga qytetarët.
Në këtë mënyrë do të jetë më e lehtë që në landfill të mos përfundojnë sasi të mëdha mbetjesh, por pjesa e diferencuar e metaleve, plastikës e letrës të dërgohen në fabrikat e riciklimit. Por mesa duket edhe kjo iniciativë e Bashkisë së Tiranës është vetëm propagandë. Në realitet ndodh ndryshe. Edhe pse qytetarët mund t’i ndajnë mbeturinat në koshat e vendosur nga bashkia, ato përfundojnë të gjitha bashkë në të njëjtën makinë që i transporton për në Sharrë. Kjo foto e postuar nga “Qytetarët për Parkun” e tregon këtë më së miri. Në të duket qartë se të gjithë koshat përfundojnë të të njëjtën makinë plehrash. Për pasojë, diferencimi është tërësisht i pavlerë.
