Renato Pëllumbi një prej dhjetë grevisteve të urisë në Zharrëz mbrëmjen e sotme është dërguar me ambulancë në urgjencën e spitalit rajonal të Fierit.
Lajmi konfirmohet nga grevistet e urisë në Zharrëz si dhe kryeadministratori i njësisë Zharrëz, Arben Semanjaku. Burime informacioni nga Zharra pohojnë se edhe grevistë të tjerë janë në gjendje të rëndë shëndetësore. Grevistet janë futur në ditën e pestë të grevës urisë dhe nuk tërhiqen nga greva pa u plotësuar kushtet e tyre që kanë të bëjnë kryesisht me dëmtimet që ka shkaktuar kompania Bankers Petroleum nëpërmjet shpërthimeve të puseve të naftës.
