Dy vëllezër janë konfliktuar me policinë dhe njëri prej tyre është arrestuar, ndërsa tjetri është shpallur në kërkim. Ngjarja ka ndodhur në Bulqizë, ku dy vëllezërit Bajram dhe Besim Tançi kanë goditur me gurë një punonjës policie, pasi këta të fundit i kishin shkuar në banesë.
Sipas policisë shtetasi Bajram Tançi ishte pronari i një automjeti i cili ishte aksidentuar dhe më pas ishte braktisur.
“Në vendngjarje kur kanë shkuar punonjësit e policisë kanë konstatuar një automjet tip “Benz”, me targa AA 479 LL, të përmbysur dhe të braktisur. Nga veprimet e para të kryera është identifikuar drejtuesi i automjetit shtetasi Bajram Tançi. Shërbimet e Komisariatit të Policisë Bulqizë, kanë shkuar në banesën e shtetasit Bajram Tançi, ku ky i fundit sapo ka parë policinë sëbashku me vëllain e tij Besim Tançi kanë kundërshtuar me forcë si dhe goditur me gurë njërin nga punonjësit e policisë duke i shkaktuar dëmtime fizike dhe më pas janë larguar me vrap”, deklaron policia.
Materialet proceduriale i kaluan Prokurorisë Rrethit Gjyqësorë Dibër për veprime të mëtejshme.
