Terroristi i Berlinit, që shtypi me kamion 12 vetë dhe plagosi së paku 50 në tregun e Krishtlindjeve është vrarë në Milano. Mediat italiane raportojnë si kryelajm vrasjen e të shumëkërkuarit.
Ai sipas “La Stampa” mbeti i vrarë teksa policia e kishte ndaluar për një kontroll rutinë, por pas kërkesës për të ndaluar pati përleshje me armë me karabinierët. Ka qenë policia italiane që ka dhënë lajmin e më pas ai u publikua nga gjithë mediat e huaja. Sipas policisë ai u vra mbrëmë në Sesto San Giovanni. Terroristi vdiq gjatë një përleshje me policinë në 3 të natës pas një kontrolli rutinë.
Identifikimi i viktimës erdhi pas ekzaminimeve, bazuar në tiparet fizike e më pas u konfirmua nga krahasimi i shenjave të gishtave. Sipas informatave paraprake, terroristi qëlloi me armë agjentët e policisë teksa ishte në timonin e një makine, në kohën që policia i bëri shenja për kontroll. Policia iu përgjigj me zjarr të shtënave. Raportohet se në sulm e sipër ai thërriti “Allahu Ekber”. Me vete atij iu gjet një biletë treni nga Franca, pra dyshohet se ai sapo kishte kishte mbërritur në Itali.
