Policia e Tiranës ka vënë në pranga dy persona pasi janë kapur duke transportua municione luftarake.
Burime zyrtare nga Policia e Tiranës kanë bërë të ditur se në pranga janë vendosur Ajet S., 18 vjeç dhe Kujtim Tahiri, 33 vjeç, të dy banues në Tiranë.
Këta dy persona janë kapur në flagrancë nga efektivët e Komisariatit të Policisë Nr. 5, në momentet që po transportonin dy arka metalike, ku në brendësi të cilave dyshohej se kishte municion luftarak.
Pas hapjes së arkave metalike, në brendësi të tyre janë gjetur 1440 fishekë, të kalibrit 7.62 mm. Në cilësinë e provës materiale janë sekuestruar: 1440 fishekë, të kalibrit 7.62 mm, 1 triçikël, në pronësi të shtetasit Kujtim Tahiri dhe 1 automjet i tipit “Volksëagen”, në përdorim të shtetasit Ajet S.
Dosja i ka kaluar Prokurorisë së Tiranës për veprën penale “Prodhimi dhe mbajtja pa leje e armëve luftarake dhe e municionit”.
