Menjëherë sapo ka përfunduar fjalën në interpelancën e kërkuar nga 7 deputetë të Kuvendit, kryeministri Edi Rama e ka braktisur sallën e Parlamentit.
Menjëherë e mori fjalën Ben Blushi i cili hodhi akuza ndaj Ramës, duke e quajtur të paaftë për punën që ka.
Por në këto momente, kryeministri Edi Rama e kishte braktisur sallën e Kuvendit, gjë që ka sjellë irritimin e deputetit Vangjel Dule dhe të deputetëve të tjerë.
“Ku iku. Lëre Vangjel se është frikacak, ku iku frikacaku. Shko Taulant e sille frikacakun se iku, ku e keni, apo po fshin hundët aty jashtë”, u shpreh Ben Blushi.
Pas fjalëve të Blushit, Rama është detyruar që të rikthehet në sallën e Kuvendit.
