Persona të armatosur kanë grabitur një makinë mëngjesin e sotëm në Lezhë.
Ngjarja ka ndodhur në orën 09:40 minuta në vendin e quajtur “Kryqëzimi i Arbërisë”, në autostradën Fushë-Krujë Lezhë. Nga informacionet e para mësohet se 2 persona të armatosur kanë grabitur një mjet tip “Porsche”.
Policia ka marrë njoftim për grabitjen dhe është nisur drejt vendngjarjes. Grabitësit sapo kane parë policinë kanë qëlluar në drejtim të saj duke plagosur efektivin Nikolin Gjergji, i cili është jashtë rrezikut për jetën.
Policia është vënë në kërkim të autorëve që janë larguar me shpejtësi, ndërsa janë lokalizuar pranë Fushë-Kuqes në Laç.
