Në seancën e fundit plenare për këtë vit, Parlamenti ka votuar ligjet e ditës së sotme. Me 84 vota maxhoranca ka votuar ligjin e amnistisë.
Votë pro dha dhe deputeti Mhill Fufi, si dhe deputeti Armando Prenga, i cili u arrestua në 2015 për plagosje pasi u përfshi në konflikt me familjen Cali. Aktualisht është liruar nga të gjitha akuzat.
Opozita e la sallën para nisjes së votimit të projektligjit për lojerat e fatit. Ligjet e tjera që u votuan nga mazhoranca janë ai i pagave, ligji për gjendjen civile dhe ligji për shtyrjen me dy vite për zhvendosjen jashtë qendrave urbane të lojërave të fatit.
Opozita votoi vetëm ratifikimi i marrëveshjes me SHBA-në, “për kontrollin e lëndëve narkotike dhe zbatimin e ligjit”.
Menjeherë pas miratimit të amnistisë, Manjani në një reagim në rrjetet sociale shprehu keqardhje që opozita nuk iu bashkua aktit human.
“Maxhoranca mundësoi amnistinë për të paktën 670 të dënuar në burgje! Jam i keqardhur që opozita nuk na u bashkua në këtë vendim human!”