Beppe Marotta ka thënë se Juventus gjithmonë dëshiron të jetë në mesin e skuadrave më të mira në botë.
Drejtori sportiv i Juventusit, Beppe Marotta ka folur për transferimin e mundshëm të mesfushorit të Real Madridit, James Rodriguez.
Ai tha se skuadra e tij gjithmonë kërkon të jetë në mesin e skuadrave më të mira në botë.
“James? Varet se çfarë transferime do të ketë. Ne do të respektojmë bilancin financiar, por ju e dini se ne gjithmonë duam të jemi në mesin e më të mirëve. Varet se çfarë qëllimi do të kemi”, tha Marotta për La Gazzetta dello Sport.
Mesfushori kolumbian pritet të largohet nga Los Blancos që në merkaton e janarit, pasi hapsirat në skuadër janë shumë vogla dhe lojtari nuk është pjesë 11 të Zidane.
Por për shërbimet e James, “Zonja e Vjetër” duhet të mposhti edhe konkurencën e Chelsea të Antoni Conte.
