Gjykata Administrative në Maqedoni miratoi vendimin, sipas të cilit do të përsëriten votimet në një vendvotim në njësinë e gjashtë zgjedhore në Tearcë.
Lideri i LSDM-së Zoran Zaev para miratimit të vendimit u shpreh se Gjykata Administrative duhet të bëjë punën e saj pa presione dhe ndikime nga jashtë.
Zoran Zaev, kryetar i LSDM-së: Unë jam i detyruar si një prej palëve politike që përfaqësoj të kërkoj që institucionet të mbarojnë punën e tyre. Si do të vendosin ato, ajo është e drejtë e tyre në bazë të ligjit. Ky është proces që duhet të përfundojë me procedura të ndërsjella KSHZ-Gjykatë Administrative.
Rivotimi në vendvotimin në Tearcë mund të ndryshojë rezultatin e zgjedhjeve, dhe të barazojë në 50 me 50 mandatet e VMRO-DPMNE dhe LSDM-së, duke bërë edhe me të vështirë formimin e qeverisë së re.
