Shënjestra e maskave kësaj here ka qenë “Tirana Bank” në zonën e 21 dhjetorit në kryeqytet. Për grabitjene e ndodhur mëngjesin e sotëm, policia e Tiranës ka dhënë edhe detajet e para.
Sipas bluve të kryeqytetit, grabitja ka ndodhur te një filial i një banke të nivelit të dytë, te kryqëzimi i 21 dhjetorit mëngjesin e të hënës. Mësohet se kanë qenë dy persona me armë zjarri dhe të maskuar me shall dhe kapele, të cilët pasi kanë neutralizuar sigurimin e bankës, kanë vazhduar drejt kasës.
Po ashtu, nga të dhënat e para bëhet e ditur se nga banka është grabitur një shumë e caktuar parash, por që ende nuk duhet saktësish shuma. Policia ka sekuestruar një armë zjarri i cili është dyshohet se është lënë nga autori. Grupi hetimor në vendin e ngjarjes po punon për identifikimin e personave dhe kapjen e tyre.
Ndërkohë shërbimet e policisë po krehin zonën përreth si dhe janë ngritur pika kontrolli.
