Policia italiane gjatë një operacioni të madh anti drogë ka arrestuar 22 anëtarët e një organizate kriminale nga Shqipëria, Rumania dhe Tunizia.
Ky operacion anti drogë është zhvilluar në rajonet e Venetos, Lombardisë, Toskanës, Marche, dhe sipas policisë që prej nëntorit të 2014 deri në tetorin e 2015 personat e arrestuar kanë trafikuar sasi të mëdha heroine, kryesisht për rajonet e veriut të Italisë.
Mediat italiane shkruajnë se kjo organizatë kriminale trafikonte në javë 50 kg heroinë. Hetimet për këtë organiozatë kishin më shumë se 2 vite që po zhvilloheshin, deri në finalizimin e tij.
Në operacionin i cili është zhvilluar njëkohesisht në Itali dhe Shqipëri, ka ndihmuar edhe Drejtoria e Përgjithshme e Policisë Shqiptare.
