Një djalosh 12-vjeç mrekullisht është shpëtuar, pasi për tri ditë kishte qëndruar i murosur për së gjallë në një mur.
Aburagbemi Saka kishte vizituar një kafene dhe më pas filloi të luajë mbi një mur që kishte një zbrazëtirë në mes, në të cilën ra dhe mbeti i bllokuar brenda saj për më shumë se tri ditë.
Pasi kishte rënë në një mur larg anëtarëve të familjes dhe të afërmve, ai u detyrua të qëndrojë i bllokuar brenda murit për më shumë se tri ditë, por as qarja me zë të lartë nuk i ndihmoi pasi kalimtarët e rastit i injoronin thirrjet për ndihmë.
Por fatmirësisht në momentet e fundit zëri i tij u dëgjua nga disa banorë, të cilët menjëherë u ngjitën në mur për të parë se çfarë po ndodhte.
Ajo çfarë panë ata shokoi edhe policinë. Banorët prishën murin me leva për të nxjerrë djaloshin e ngujuar dhe të mbushur me pluhur, por që çuditërisht i kishte mbijetuar të gjithë kësaj ngjarjeje.
Sipas policisë rasti ka ndodhur në Oduduwa, Ondo të Nigerisë, shkruan tg.
