Një person është hedhur nga kati i katërt i pallatit në Vlorë në tentativë për të vrarë veten por ndodhet në gjendje të rëndë në spital.
Sipas policisë, rreth orës 14:40, një shtetas është hedhur nga banesa dhe ndodhet në gjendje të rëndë shëndetësore në Spitalin Rajonal.
Ngjarja ka ndodhur në lagjen “Pavarësia”, ku është hedhur nga ballkoni i banesës së tij, kati i 4-t i një pallati, shtetasi: S.Sh., rreth 64 vjeç.
Në banesë ndodheshin edhe familjarët e tij të cilët njoftuan menjëherë Policinë.
Dyshohet se hedhja është kryer për shkak të Depresionit, pasi sipas familjarëve kishte rreth 5 vite që kurohej nga kjo sëmundje.
Grupi hetimor ndodhet në vendngjarje dhe po punon për sqarimin e rrethanave të ngjarjes.
