Një sherr ka ndodhur mes pronarëve të një lokali në Librazhd dhe një nxënësi.
Sipas JOQ, sherri ka ndodhur disa ditë më parë në fshatin Polis në Librazh dhe më konkretisht pranë shkollës “Muhedin Sherifi”.
Një nxënës është konfliktuar dhe më pas dhunuar brutalisht nga pronarët e lokalit. A. Lleshi dhe F.Lleshi. Personi që ka dërguar pamjet filmike në redaksinë e Jeta Osh Qef nuk ka informacion se pse është shkaktuar ky konflikt që ka degraduar në dhunë e më pas në zhveshjen e nxënësit, i cili largohet lakuriq mes e sipër nga ambientet e shkollës dhe të lokalit.
Dy vëllezërit Lleshi konfliktohen me djalin me bluzë portokalli, ndërsa dëgjohet zëri i një personi, i cili përsërit herë pas here fjalët “Lere çunin or ti”. Vëllezërit i heqin bluzën nga trupi djalit në sherr e sipër ndërsa ai i shan edhe nga ropt. “Lere çunin or ti se është gjynah”, dëgjohet sërish zëri i personit që ndoshta është duke bërë videon, ndërsa njëri prej vëllezërve thotë “Po mos të shajë”. Në fund djali largohet i zhveshur lakuriq ndërsa të shumtë janë personat e tjerë që e shikojnë këtë skenë të turpshme dhe nuk ndërhyjnë që të ndalojnë sherrin.
