Një drejtues mjeti që po qarkullonte në gjendje të dehur, u përplas me një automjet tjetër. Ngjarja ka ndodhur në aksin Bajram Curri-Morin, ku 58-vjeçari Osman Brati banues në Golaj të Hasit, ka përplasur një automjet tip “BMW” në vendin e quajtur “Kthesa e Lugut të Thatë”.
Për pasojë, ka mbetur i plagosur vetë drejtuesi i mjetit “Volzwagen” shtetasi Brati si dhe pasagjeri i tij, 67-vjeçari me iniciale B.Xh.
Sipas policisë njëri prej të plagosurve ndodhet në spitalin e Tropojës, ndërsa tjetri është dërguar në Spitalin e Traumës në Tiranë jashtë rrezikut për jetën. Policia ka arrestuar në flagrancë drejtuesin e makinës që shkaktoi aksidentin.
Materialet proceduriale i kaluan Prokurorisë Rrethit Gjyqësor Tropojë, për veprat penale “Shkelje e rregullave të qarkullimit rrugor” dhe “Drejtimi i automjetit në gjendje të dehur apo pa dëshmi”
