Mënyra se si i përdorni rrjetet sociale mund të tregojë shumë gjëra rreth jush.
Disa psikologë, tregojnë se çiftet e lumtura postojnë më pak për lidhjen e tyre në rrjetet sociale, transmeton Telegrafi.
Këto janë disa nga zbulimet e tyre se përse çiftet që shfaqin më shumë janë më pak të lumtur:
Njerëzit që postojnë shumë shpesh priren të jenë psikopatikë
Një studim i vitit të fundit, bazuar në anketimin e 800 meshkujve, kishte zbuluar se narcisizmi dhe psikopatia mund të vërehen edhe nga numri i selfieve që njerëzit i postojnë në rrjete sociale, e gjithashtu edhe sa shumë i rregullojnë fotografitë me efekte të ndryshme.
Dhe narcisistë…
Postimi, bërja ‘tag’ e personave dhe komentimi nëpër fotografi të Facebook-ut, janë të ndërlidhura me narcisizmin te të dy gjinitë, sipas një studimi me 410 pjesëmarrës.
Për femrat, edhe postimi i shpeshtë i statuseve ndërlidhet me këto trajta.
Njerëzit të cilët qëndrojnë larg Facebook-ut, janë më të lumtur
Individët e lumtur janë çifte të lumtura dhe, sipas një studimi, individët e lumtur e përdorin më pak Facebook-un.
Përveç këtyre, studimi thotë se çiftet që postojnë më shpesh janë më të pasigurt, e gjithashtu ata që postojnë më shpesh varen më shumë nga lidhja dashurore për të qenë të lumtur
