Vogëlushi që u dhunua nga administratorja e kopshtit “Diren”, tashmë i është rikthyer buzëqeshja. Që prej ditës së djeshme, ai është pjesë e shërbimeve të Qendrës Rajonale të Autizmit.
Vogëlushi ishte dje në festën e fundvitit që u zhvillua nga Fondacioni Fëmijët Shqiptarë organizuar për fëmijët e qendrave të autizmit.
Pas vlerësimeve të bëra nga stafi i specialistëve të Qendrës Rajonale të Autizmit, ditën e hënë ai do të fillojë terapinë ABA. Kjo terapi do të ofrohet falas për vogëlushin ndërkohë që kostot e shërbimit në qendër do të mbulohen nga blogerja Armina Mevlani.
Katër vjeçari që përloti shumë nëna shqiptare brenda dhe jashtë kufijve të vendit, falë kujdesit të prindërve që i kanë qëndruar shumë pranë gjatë kësaj kohe, i është kthyer buzëqeshja dhe qetësia.
Në muaji qershor, vogëlushi ra pre e dhunës nga Anjeza Shabani, administratorja e kopshtit “Diren”.
