Debatet në çift, mënyrat e duhura për të diskutuar me partnerin tuaj. Përvoja teknike dhe të suksesshme për të fituar në territorin e dashurisë.
Ulërima, dyer që përplasen, skena hakmarrjeje, heshtje, etj. Zënka duket si diçka instiktive dhe që buron nga brenda nesh, por në fakt është një përzierje e vërtetë e strategjive dhe sjelljeve me të cilat shpesh përpiqemi për të arritur efektin e dëshiruar: Për të komunikuar nevojat, të bërë paqe, por edhe për të lënduar tjetrin.
Dhe në qoftë se në luftë nuk ka rregulla, me siguri truke ka me bollëk, sidomos në fushën e dashurisë.
Heshtja dhe asgjësimi psikologjik
Mënyra më e vërtetë për të goditur tjetrin është ta injorosh. Vite dhe vite zënkash, siç tregojnë amerikanët, na kanë mësuar se indiferenca totale gjeneron në qenien njerëzore që vuan, një ndarje pothuajse të caktuar psikologjike. Kjo strategji është që të pretendosh se tjetri nuk ekziston fare, fizikisht nëse është e nevojshme.
E mira: Nuk nxjerr nga goja fjalë që më vonë mund të pendohesh.
Dobësitë: Kërkon durim dhe kohë. Dhe kush ndalon shumë shpejt së injoruari humbet besimin.
Ndër-hakmarrja
Për t’i treguar dikujt se po gabon dhe po të lëndon, kopjoni qëndrimin e tij dhe bëjini gjërat edhe më keq, në një akt hakmarrje ekstreme, por që mund të jetë shumë efektive. Ndonjëherë edhe shumë e trashë, natyrisht. Por edhe pse duhen marrë parasysh të dyja anët e medaljes, rezultati mund të jetë edukativ.
E mira: I bën të kuptojë sa ke vuajtur. Por kjo ka një kufi. Nëse të ka tradhëtuar me shoqen më të mirë, nuk do të thotë të shkosh me shokët ë tij.
Dobësitë: Ndonjëherë mund të përkeqësohet çdo gjë.
Skena tipike me arratisje
Themeli i kësaj teknike është: Ta bësh të ndjehet fajtor tjetrin duke ndrydhur fjalët dhe me heshtje. Si në filma, flisni me zë të ulët dhe e prekur, zbrisni nga makina pasi i keni hedhur një vështrim të dhe largoheni pa kthyer kokën pas.
E mira: Diskutimi fokusohet në temat për të cilat po ziheni. Pikat e forta: Strategji e shkëlqyer për t’i bërë njerëzit të ndjehen fajtorë.
Dobësitë: Nëse marrëdhënia është në fillim, ai mund të mos të të kërkojë. Dhe në çdo rast, ai ka për t’u larguar me makinë.
Ulërima
Nëse keni arritur në atë moment në diskutim, ku e ndjeni se nuk ka asnjë mënyrë për ta ndalur tjetrin së foluri atëherë lëshoni një tingull të vetëm, të gjatë, ulëritës. Bërtit sa të kesh ajër në mushkëri, është një strategji e çuditshme, e cila ndoshta nuk do ta zgjidhë çështjen, por do të bëjë që ju të ndjeheni shumë, shumë më të lehtësuar. Dhe ndoshta, në ato minuta të gjata në të cilat asnjëri nga ju nuk mund të thotë gjë (për shkak se ju bërtisni e ai është i tmerruar) do të kuptoni arsyen e vërtetë pse po ziheni.
E mirë: Kur dini si ta menaxhoni situatën.
Dobësitë: Mund të rrezikojë shurdhim ose të të marrë për të çmendur.
Burimi: PianetaDonna
