Partia Demokratike ka zbardhur kërkesën që i është dërguar kryeministrit Edi Rama për shkarkimin e kryebashkiakut të Durrësit, Vangjush Dako. Sipas demokratëve kërkesa tani gjendet në tryezën e krut të qeverisë Edi Rama.
Këshilltarët bashkiakë të Partisë Demokratike në Durrës dhe deputetët e këtij qarku thonë se kanë argumentuar, pse duhet të shkarkohet Dako, pas lajmit se ai kishte lëshuar një vërtetim për Lulzim Berishën, i njohur si kreun i Bandës së Durrësit.
Sipas demokratëve, i zgjedhuri socialist ka bërë shkelje të rënda të ligjit duke favorizuar lirimin nga burgu të Lulzim Berishës.
Jashtë rasteve të parashikauara në ligj, thotë PD, Vangjush Dako ka garantuar punësimin e Lulzim Berishës.“Justifikimi i deklaruar publikisht nga kryetari i Bashkisë Vangjush Dako, sipas të cilit bëhet fjalë për punë vullnetare dhe pa pagesë, është i pambështetur ligjërisht. Askush nuk mund të punësohet në mënyrë vullnetare në një institucion shtetëror, sepse puna duhet të shpërblehet, ndryshe përbën cenim të të drejtave dhe lirive themelore të njeriut”, thuhet në kërkesën drejtuar kreut të qeverisë.
Tani ngelet në dorë të kryeministrit, i cili në bazë të ligjit, shkarkon një kryebashkiak në momentin kur konstatohen shkelje të rënda të Kushtetutës dhe Ligjeve.
