Prokuroria e Krimeve të Rënda ka mbyllur hetimet dhe ka dërguar për gjykim dosjen e mikut të Ilir Kupës.
Klement Çala, akuzohet për veprat penale të “vrasjes me dashje të punonjësit të policisë”, mbetur në tentativë, dy herë, si edhe për veprat penale të krijimit të organizatës kriminale, largimit nga burgu dhe armëmbajtje pa leje, për ngjarjet e ndodhur në burgun e Trikalas në Greqi, në mars 2013.
Klement Çala dhe Fatos Sulaj
Ai së bashku me Ilir Kupën dhe Fatos Sulaj janë larguar nga burgu dhe kanë tentuar të vrasë dy prej policëve roje të atij institucioni.
Ilir Kupa
Pas arratisjes nga burgu, nuk është bërë i mundur arrestimi i tij dhe autoritetet greke kanë kërkuar transferimin e procedimit penal ndaj tij në Shqipëri.
Banda e Ilir Kupës është mjaft e rezikshme, pasi kryenin grabitje të ndryshme armë dhe me dhunë.
Arratisja nga burgu në Greqi
Më datën 22.03.2013, persona të panjohur që kishin hipur në një makine tip VAN, i janë afruar territorit rrethues të burgut dhe, pasi janë diktuar nga policet e shërbimit te burgut, kanë dale nga automjeti, duke mbajtur arme dhe bomba dore dhe me përdorimin e tyre kane qëlluar kundër policeve dhe gardianeve te jashtëm të burgut.
Përleshja e armatosur ka zgjatur për rreth 30 minuta. Gjatë shkëmbimit te zjarrit, disa të burgosur të pavjonit C2 të burgut, kryesisht me origjinë shqiptare midis të cilëve dhe Klement Çala, që më parë kishin prerë kangjellat e dritares, kanë dalë në territorin e brendshëm të burgut, janë ngjitur në tarrace duke përdorur shkallë të sajuara dhe të përshtatura dhe kane dale nga burgu duke kapërcyer edhe rrethimin e jashtëm.
Disa nga të burgosurit e arratisur janë larguar drejt godinave dhe të tjerë janë larguar pasi kanë hipur në automjetin e tipit VAN. Automjeti me te cilin ata janë larguar, është gjetur me pas i djegur në një zonë bujqësore dhe ka rezultuar se ishte denoncuar i vjedhur ne dt. 19.03.2013.
Në ngjarje kanë mbetur të plagosur dy prej gardianeve të burgut dhe një prej të burgosurve shqiptare, shtetasi E. Sinani i cili me pas ka gjetur vdekjen si rezultat i plagëve me armë zjarri.
Klement Çala nuk është kthyer me ne burgun ku vuante dënimin dhe ndaj tyre, nga Gjykata e Shkalles se Pare Trikala, është nxjerre urdhri i arrestit nr. 41/2013.
