Prokuroria ka dorëzuar në gjykatë dosjen për vrasjen e Gazmend Çollakut. Nën akuzë për vrasjen e Çollakut janë shtetasit Denis Shtraza dhe ish-oficeri policor Ervin Dalipaj.
Sipas organit të akuzës kanë qenë këta dy persona që kanë rrëmbyer Gazmend Çollakun, e kanë torturuar dhe më pas e kanë vrarë atë. Prokuroria saktëson se Gazmend Çollaku është rrëmbyer nga persona me uniformë.
Po sipas organit të akuzës, mbi Denis Shtrazën dhe Ervin Dalipajn rëndojnë akuzat e “mbajtjes pa të drejtë të uniformës” dhe ajo e “armëmbajtjes pa leje”. Pikërisht Gazmend Çollaku ishte rrëmbyer më 6 janar, në mes të Durrësit dhe më pas është gjetur i vrarë në mes të rrugës në FushëKrujë e se kishte edhe duart e lidhura.
Në mënyrë të përmbledhur, Prokuroria për Krime të Rënda ka arritur në këtë përfundim, bazuar në sa më poshtë:
– kur midis shtetasve Denzi Shtraza dhe Lart Çollaku egziston një konflikt, pasi ka dyshime se ky i fundit ka tentuar të vrasë Denisin në vitin 2013;
– kur dy shtetasit nën hetim Ervin Dalipaj dhe Deniz Shtraza janë shoqëruar nga policia vetëm 3-4 orë pas rrëmbimit dhe vrasjes së shtetasit Lart Çollaku me mjejtin tip Benz Ml, me ngjyre te zeze me targa AA671MZ, në pronësi të Ervinit, ku janë gjetur gjurmë gjaku të njëjta me ato që janë gjetur në vendgjarje dhe në rrobat e viktimës;
– kur ky mjet në datën 06/01/2016 është përdorur vetëm nga shtetasi nën hetim Ervin Dalipaj dhe në orët e pasditës dhe mbrëmjes së kësaj ditë kanë qënë vetëm me shtetasin nën hetim Deniz Shtraza;
– kur të dy shtetasit nën hetim pranojnë që gjatë datës 06/01/2016 në orët e pasdites dhe mbrëmjes kanë qëndruar së bashku por në deklarimet e tyre kanë kontradita të qarta dhe të shumta lidhur me oraret e takimit dhe lëvizjes, vendet e ku kanë shkuar dhe me cilët janë takuar në Tiranë, të parsyeshme për veprime të kryera vetëm disa orë para deklarimit;
– kur të dy shtetasit nën hetim deklarojnë se nuk kanë asnjë dijeni se të kujt janë 9 aparatet celularë të gjendur në mjetin e Ervinit, ne xhepin e deres së pasagjerit ku ka qënë duke qëndruar Denizi;
Rezulton i provuar fakti se në bagazhin e mjetit në pronësi të shtetasit nën hetim Ervin Dalipaj ku ka qënë të paktën dhe shtetasi nën hetim Denis Shtraza është vendosur dhe më pas është vrarë shtetasi Lart Çollaku.
Prokuroria ka kërkuar edhe 2 muaj kohë për të kryer hetimet e nevojshme dhe për të mbledhur prova për këtë rast. Denis Shtraza është një person i njohur për botën e krimit. Në vitin 2009, Shtraza u ekstradua nga Gjermania drejt vendit tonë, pasi akuzohej për dy plagosje në qytetin e Durrësit.
Në shkurt 2013 ai u plagos rëndë në qendër të Durrësit, ndërsa në prill të vitit 2014 u vu në pranga, pasi kishte shkatërruar një lokal nën efektin e alkoolit. Shtraza njihej edhe si person me lidhje të forta me persona të tjerë të inkriminuar të tillë si Emiliano Shullazi. Njëkohësisht, ai është edhe mik i Shullazit.
