Presidenti i Filipineve, Rodrigo Duterte, ka deklaruar se “personalisht ka vrarë kriminelët” në kohën kur ka qenë kryetar i qytetit Davao në mënyrë që t’i “jap shembull Policisë”.
“Në Davao këtë e kam bërë personalisht që t’iu tregoj policëve se nëse unë mundem, munden edhe ata. Kam patrulluar rrugëve me motoçikletë dhe kam kërkuar probleme. Kam hyrë në konflikte vetëm që të mund të vras”, ka thënë Duterte.
Aktivistët për të drejtat e njeriut kanë akuzuar Duterten se në Davao kryetar i së cilës ka qenë për 20 vjet, ka vrarë më shumë se 1 mijë njerëz.
Duterte 71 vjeçar ka ardhur në krye të shtetit më 30 qershor ndërsa gjatë fushatës zgjedhore ka premtuar se për disa muaj do të heq qafe kriminelët në vend. /kp/
