Lëvizja Socialiste për Integrim ka dalë zyrtarisht kundër Qeverisë për dhënien me koncesion të laboratorëve spitalorë nga Ministria e Shëndetësisë.
Përmes një kërkese drejtuar kryetarit të Kuvendit, LSI kërkon që të pezullohet financimi prej 8 milionë Euro për partneritetin publik-privat që është parashikuar në buxhetin e vitit 2017.
Dhënien me koncesion të laboratorëve nga ministri Ilir Beqaj e kundërshtuan edhe mjekët, të cilët pak ditë më parë dolën në protestë.
Grupi parlamentar i LSI kërkon që ky fond i parashikuar për dhënien me koncesion të laboratorëve, të përdoret për projekte të tjera.
