Policia greke ka sekuestruar plot 135 kilogram marijuanë të fshehur në një furgon të ngarkuar me gurë dhe pllaka dekorative, ndërsa ka arrestuar shoferin shqiptar rreth 36 vjeç.
Sipas policisë greke furgoni u ndalua në aksin rrugor Kakavije-Janine, rreth 3 kilometra nga dogana e Kakavijës. Pas kontrollit të ushtruar nga policia greke në furgon u gjetën 121 pako me 135 kg 600 gram marijuanë.
Lënda narkotike ishte fshehur në kabinën e shoferit. Në operacion kanë marrë pjesë dhe forcat europiane te FRONTEX, pasi ditët e fundit zona Janine-Igumenice është bërë problematike për policinë greke për shkak të transportimit të lëndëve narkotike që kalojnë përmes kufirit greko-shqiptar.
