Vijojnë hetimet për vrasjen e Agron Xhezairit, babit të njëprej personave më të kërkuar të policisë Albi xhezairit, i cili është i shpallur në kërkim për vrasjen e Aleksandër Bardhit në Sarandë.
Përveç 10 personave që janë shoqëruar në polici, pët tu marrë në pyetje rreth ngjarjes së dy ditëve më parë dhe më pas janë lënë të lire, asnjë person nuk është arrestuar.
Sipas informacioneve të policisë dyshohet se ekzekutimi i 53-vjeçarit është kryer nga vrasës me pagesë, dhe e autorët e ngjarjes së rëndë, pas krimit janë larguar për në Greqi, për shkak edhe të afërsisë së zonës me kufirin.
Nga dëshmitë e marra mësohet se kanë qenë më shumë se dy persona në këtë krim, por vetëm një person ka qëlluar ndaj Xhezairit.
Vrasja ndodhi të dielën ku Agron Xhezairi 53 vjeç u vra me breshëri arme, e një nga pistat që po hetohet është pikërisht ajo e gjakmarrjes, pasi djali i tij është personi kryesor i dyshuar për vrasjen e Aleksandër Bardhit më 24 shtator në fshatin Shëndëlli.
