Ministri i Shëndetësisë ka folur për koncesionet që qeveria ka dhënë dhe ka deklaruar se shqiptarët po marrin shërbim më të plotë falë koncesioneve. Në një intervistë televizive për Eni Vasilin, ai është ndalur edhe tek koncesioni për laboratorët, i cili ka hasur kundështime të shumta nga bluzat e bardha, madje ka patur edhe protesta nga laburantët.
Do doja të flisnim së pari për koncesionet. Ka patur akuza për këto koncesione, madje edhe protesta nga laburantët.
Këto nuk janë koncesione, por partneritet publik-privat. Koncesioni është një e drejtë që shteti e ka dhe vendos t’ia japë dikujt. Ligji që flasim ne është partneritet, ku shteti i thotë privatit t’i kryej disa misione që unë kam detyrë për t’i kryer, ose t’i kryejmë së bashku. Partneriteti i dializës është një rast tipik ku unë jam i detyruar t’ia garantoj dializën një pacienti tre herë në javë, dhe për këtë më ndihmon privati. Edhe sa i takon check-up është njësoj. Partneri privat ndihmon në realizimin e këtij procesi. Sa i takon atij që quhet sterilizim, që në fakt është furnizim me instrumente mjekësore të rëndësishme, do të thotë se ku shqiptarët të hyjnë në sallat e operacionit kam për detyrë të operohen me cilësi dhe me standard steriliteti. Dhe privati i sterilizon ato, i çon në salla, furnizon ekipin mjekësor, dhe më pas i rimerr për sterilizim. Ndërsa ato që janë njëpërdorimshe, i çon për riciklim. Nuk po i japim gjë privatit.
Po i jepni para shumë…
Nuk po u japim para. Ky është dallimi mes partneritetit dhe tenderit. Në 3 vitet e kontratës, riinvestohet. Do të mbeten instrumentet kirurgjikalë, sistemi ku bëhet hemodializa, laboratorët e check-up, pra, kur të përfundojë kontrata. Gjendja në spitale ka ndryshuar po të pyesim kirurgët e QSUT kanë bërë revolucion në eksperiencën e tyre, për shkak të instrumenteve të rinj. Sot një vit, të gjithë kirurgët e Shqipërisë do të mund të kenë këto instrumente. Rezultati në dializë është shumë i mirë.
Pse nuk i bleu ministria këto instrumente?
Po të them që i jep për 10 vite pak nga pak. Unë si shtet s’kam hapësirë fiskale dhe zgjedh këtë mënyrë, vjen privati me paratë e veta bën investimin fillestar, sigurisht që fiton…
Pse klientët tuaj janë gjithnjë të njëjtët?
Ndaluni tek shërbimi, është shumë i mirë, shko shiko në Elbasan.
Nëse Check up është sukses pse keni paguar 1,7 mln lekë më shumë?
Check up është i domosdoshëm për të bërë parandalimin e sëmundjeve. Të drejtën e kanë 950 mijë shqiptarë, në grupmoshën 40-64. Që të bëhet siç duhet ky proçes ngrihet një makinë logjistike. Janë 60 automjete që bëjë këtë punë çdo ditë, marrin tuba gjaku nga çdo cep i Shqipërisë. Kemi në kontratë 40 mijë kontrolle në muaj, edhe nëse bëhen 31 mijë unë kam detyrim të paguaj për 40 mijë.
Pra e pranoni që paguani më shumë?
Po, e kemi thënë edhe herë tjetër. Kontrata që ne kemi bërë është për 40 mijë persona, ndërkohë që kemi 30 mijë raste të check up në muaj
Duke u ndalur tek Partneriteti Privat-Publik, a kemi të bëjmë me një dështim të vizionit të qeverisë për shëndetësinë? Shqiptarët po dynden gjithnjë e më shumë drejt spitaleve private…
Kjo është e pavërtetë
Ndryshimi është minimal…
Në vlerësimin tim është i madh. Në 2013 shqiptarët për 100 lekë që shpenzonin, 57 lekë i nxirrnin nga xhepi. Zero proteza në 2013, tani 1200 pacinetë do i marrin falas. 2 transplante veshkash në 2013, 200 tani. Spitalet publike kanë ndryshuarKemi thënë do zgjerojmë bashkëpunimin me jopublikun, bëmë paketat, i çojmë pacientët për transplante veshkash tek privati dhe i financojmë ne. Vitet e ardhme detyrimet tatimore për 3 kontratat përbëjnë 5.3% të buxhetit të Shëndetësisë.
Nuk ka laborator check up në Tiranë?
E keni lexuar gabim. S’mund të ndërtohen 400 laboratorë kur vijnë vetëm 8 veta për check up, prandaj lëviz vetëm tubi nga Tropoja në Tiranë.
