Tirana prej javësh është bërë e pakalueshme dhe për ata që jetojnë në kryeqytet apo ata që vijnë për probleme të ndryshme është kthyer në një “ferr” të vërtetë.
Edhe pse fundjavë, sikur të mos mjaftonin segmentet e bllokuara më herët për shkak të punimeve në qendër të qytetit, Bashkia Tiranë vijon të bllokojë rrugë të tjera pa njoftuar më parë qytetarët.
Bllokimi i rrugëve ka shkaktuar pakënaqësi dhe irritim te shumë qytetarë, që kanë dërguar disa fotografi pranë redaksisë së Syri.net, pikërisht të akseve të bllokuara.
“Ja si bllokohen rrugët ditën për diell nga bashkia Tirane, pa bërë një plan masash, pa orientim te trafikut dhe me kulmorja pa dhëne asnjë lajmërim…”, shprehet një qytetar.
“S’guxon robi të dalë nga shtëpia, se vdes në trafik”, shprehet një tjetër.
