Policia greke ka arrestuar dy shtetas shqiptarë në zonën e Filatit, pasi shfaqën sjellje të dyshimtë.
Ata u identifikuan nga policia kufitare në zonën pyjore, teksa po bënin sjellje të dyshimta duke nisur dyshmet e autoriteteve se këta ishin trafikantë.
Nga një kontroll i bërë në zonën pyjore, u gjet e fshehur një sasi kanabisi prej 88 kg. Droga, që ishte transportuar nga Shqipëria, ishte e ndarë në 59 pako dhe do të trafikohej në shtetin grek.
Pas sekuestrimit të kanabisit, policia arrestoi edhe dy shqiptarët e moshës 30 vjeç dhe 34 vjeç. Përveç trafikut të drogës, ata akuzohen gjithashtu edhe për hyrje të paligjshme në Greqi, pasi nuk dispononin dokumente të rregullta.
