Italia ka një kryeministër të ri dhe ai është Paolo Gentiloni. Pas dorëheqjes së Matteo Renzit, atij i është kërkuar nga presidenti italian, Sergio Mattarella, që ta formojë qeverinë e re.
Në 3 ditët e fundit presidenti vendit nisi konsultimet me klasën politike italiane për të gjetur një zgjidhje të krizës dhe zëvendësimin e menjëhershëm të Renzit, i cili dha dorëheqje pasi humbi në referendum për reforma kushtetuese, javën e kaluar.
Gentiloni, 62-vjeçar, është besnik i Partisë Demokratike të Renzit. Korrespondentët thonë se nëse ai është i suksesshëm për të fituar përkrahje, atëherë qeveria e re mund të formohet brenda ditësh.
Por, ai përballet me kriza bankare dhe me një rritje të përkrahjes popullore për partitë euroskeptike dhe kundër establishmentit. Partitë opozitare kanë hedhur poshtë mundësinë për t’u bashkuar për formimin e një partie gjithëkombëtare.
Kush është Paolo Gentiloni, kryeministri i ri i Italisë?
Paolo Gentiloni ka lindur 62 vite më parë në Romë e është pinjoll i familjes së Kontëve Gentiloni që në fillim të ‘900 shënuan në historinë italiane hyrjen e katolikëve në jetën politike në vend.
I diplomuar në shkencat politike, prej vitit 1990 ka ushtruar profesionin e gazetarit profesionist duke drejtuar revistën mujore Legambiente. Në vitet ’90 ishte zëdhëns i kryetarit të Bashkisë së Romës , Francesco Rutelli.
Në vitin 2006 zgjidhet Ministër i Telekomunikacionit në qeverinë Prodi e prej 31 tetorit 2014 ushtronte funksionin e Ministrit të Punëve të jashtme në qeverinë Renzi pas largimit nga ky post të Federika Mogherinit e emëruar Komisonere e Lartë për Sigurinë e Politikën e Jashtme në Bashkimin Europian.
Karriera politike e kryeministrit Gentiloni ka nisur në vitet ’70 kur militoi në rradhët së majtës ekstraparlamentare e më pas në Lëvizjen e Legambientit.
M vitin 2007 qe pjesë e komitetit të përbërë prej 45 anëtarësh për themelimin e Partisë Demokratike. Paolo Gentiloni është mbështetes i rrymës Renziane në Partinë Dmokratike duke favorizuar zgjehjen e Matteo Renzi në krye të kësaj Partie,
Paolo Gentoloni ka qënë deputet në 4 legjislatura në Parlamentin italian.
