Derbi i Torinos fitohet nga Juventusi me rezultatin 3 – 1. Një ndeshje e pasur me raste dhe emocione por ylli i ndeshjes ishte argjentinasi Gonzalo Higuain.
Belotti shënoi i pari duke i dhënë avantazhin e përkohshëm Torinos. Barazimi u vendos para fundit të pjesës së parë me golin e Higuain, i cili deri në atë moment nuk tregoi shumë në fushë.
Revanshi ishte në pjesën e dytë. Sulmuesi argjentinas realizoi përsëri dhe goli i Pjanic nuk la më shpresa për Torino. Juventus në këtë mënyrë ruan avantazhin me rivalët në krye të renditjes. Napoli mundi thellë 5 – 0 Cagliari në takimin e mesditës në Serie A.
Suksesi u arrit në fushë kundërshtare. Mertens ishte më i spikaturi mes napolitanëve me 3 gola të shënuar. Elseid Hysaj ishte titullar në këtë takim. Sot në mbrëmje do të luhet takimi Inter – Genoa, ndërsa nesër Roma do të presë Milan.
