Një konflikt në një bar dhe me shumë mundësi në gjendje të dehur ka cuar në vrasjen e një polaku në Vjenë. Për vrasjen është akuzuar një shqiptar.
Shqiptari është shpallur në kërkim pasi ka vrarë një shtetas polak e ka plagosur shokun e tij. Sipas raportimeve të para ngjarja ka ndodhur mesnatën e djeshme pas një konflikti në një lokal në Vjenë. Arsyeja e përleshjes mes burrave mbetet ende e paqartë.
Dyshohet se shqiptari goditi me thikë dy polakët, nga të cilët njëri 34 vjeç vdiq në vend.
Ndërsa tjetri 37 vjeç u dërgua menjëherë në spitalin Meidling për t’u mjekuar nga plagët. Ai tani është jashtë rrezikut për jetën shkruan Heute.
Pas sulmit, autori u largua nga vendngjarja. Policia po punon për kapjen e shqiptarit si dhe zbardhjen e shkaqeve.
