Që prej data e 1 janarit të vitit të ardhshëm për drejtuesit e automjeteve do të ketë gjoba progresive.
Kush nuk respekton gjatë vitit rregullat e qarkullimit, do të paguajë gjobë më të lartë sesa se sa drejtuesit e rregullt.
Lajmi u bë i ditur nga ministri i Brendshëm, Saimir Tahiri në një deklaratë të tij 70 vjetorin e krijimit të Policisë Rrugore.
“Gjithashtu, nga 1 Janari fillojmë gjobën progresive. Ju e dini që deri dje, qoftë një shofer i ri apo me eksperiencë, qoftë një drejtues automjeti me probleme historike me Policinë Rrugore dhe gjobat apo një drejtues mjeti vazhdimisht i rregullt, gjobiteshin të gjithë njësoj. Dhe diskrecioni i Policisë Rrugore ishte i madh. Nga 1 janari e tutje do kemi në fuqi sistemin e cili do garantojë shpërblimin e atyre që respektojnë rregullat e qarkullimit rrugor dhe penalizimin e rëndë për ata që janë mësuar të shkelin Kodin Rrugor në mënyrë të vazhdueshme. Për ne ka qenë e papranueshme dhe besoj për qytetarët po kaq e papranueshme të dënohej në mënyrë të njëjtë qoftë ai që merrte një gjobë në vit, qoftë ai që gjobitej thuajse çdo javë.
Ndaj ne mendojmë që mënyra më e mirë për të shpërblyer ata që respektojnë rregullat e qarkullimit rrugor dhe për të dënuar më shumë ata që shkelin vazhdimisht rregullat e qarkullimit rrugor, nga njëra anë.
Me gjobën progresive nga 1 janari 2017 qytetari që shkel vazhdimisht rregullat do gjobitet maksimalisht. Ndërkohë qytetari që ka rekorde pozitive pranë Policisë Rrugore dhe që nuk është gjobitur gjatë vitit do gjobitet në minimumin e përcaktuar nga ligji”, tha puna.
