Lorik Cana pritet që të rikthehet në Kombëtare. Sigurisht që jo si lojtar. Ish-lojtari i Lazios, Marsejës dhe Galatasarayt pritet që të marrë postin e menaxherit në ekipin kuqezi.
Këtë post deri më tani e ka mbajtur ish-sulmuesi Alban Bushi, i cili do të marrë drejtimin e përfaqësueses U21 të Shqipërisë.
Përveç ish-kapitenit, kandidat për këtë post është edhe një ish- lojtar tjetër i Kombëtares, Ervin Bulku. Ky i fundit prej kohësh është bërë pjesë e stafit të Kombëtares, ndërkohë që tani me shumë mundësi edhe Cana do të bëjë të njëjtën gjë.
