Një e re në Durrës është përballur me muaj të tërë ankthi dhe stresi të shkaktuar nga një djalë i cili ishte ‘fiksuar’ pas saj.
Por, durimi i vajzës zgjati deri një ditë më parë, kur 26-vjeçarja nga Durrësi, S.Ç., bëri denoncim në polici ndaj N.M., 29-vjeç, banues po në qytetin bregdetar, duke bërë që ndaj tij të nisë procedimi penal në gjendje të lirë.
Mësohet se të dy kanë pasur më parë një lidhje me njeri-tjetrin.
E reja e akuzon N.M., se prej disa kohësh, në mënyrë të vazhdueshme, e ka përndjekur, duke i krijuar ankth dhe stres në jetën e saj të përditshme.
Gjithçka për shkak të refuzimit të saj për të vijuar lidhjen e ndërprerë, duke bërë që ai të insistojë ta takojë dhe të vazhdojnë bashkë.
Për këtë arsye, nën tension dhe frikë e reja bëri denoncim, duke çuar në nisjen e hetimeve për veprën penale “Përndjekja”.
