Rreth 3 muaj pas rrëzimit të avionit në Ishëm, nuk ka asnjë shpresë për lëvizjen e tij.
Kjo gjë ka sjellë edhe një përplasje mes Prokurorisë dhe Ushtrisë. Prokuroria ka kërkuar lëvizjen e avionit të rrëzuar në afërsi të fshatit Gotull.
Në pretendimet e tij Shtabi i FA-ve pohon se avioni, i cili dyshohet se përdorej për transport të lëndëve narkotike, nuk mund të lëviz, pasi mungon personeli teknik për çmontimin e tij.
Sakaq, Ushtria thekson ndër të tjera se lëvizja e avionit mund të bëhet vetëm me kamion Iveco dhe vetëm kur moti të jetë i mirë. “Duhet të çmontohen krahët dhe bishti i avionit”, shprehet në qëndrimin e saj Shtabi i FA-ve.
Avioni ‘Piper Pa-32 Saratoga’ që ngeci në grykëderdhjen e Ishmit rreth 3 muaj më parë drejtohej nga piloti italian Guido Andrea Guidi, i cili sipas burimeve të pakonfirmuara thuhet se kishte pranuar një kontratë prej 20 mijë euro për të transportuar 200 kg marijuanë.
